"Bavariya" Levandovskiyə görə 50 milyon avro alacaq

"Bavariya" klubu Robert Levandovskinin "Barselona" komandasına transferi üçün 50 milyon avro alacaq.
Yeniavaz.com xarici KİV-ə istinadla xəbər verir ki, polşalı hücumçu "Barselona" klubu ilə 3 illik müqavilə imzalayıb. Bu barədə “Sky Sport”un jurnalisti Fabrisio Romano öz tvitter səhifəsində yazıb.
Levandovskinin "Bavariya" ilə müqaviləsi 2023-cü ilin yayında başa çatır. Futbolçu klubun rəhbərliyinə komandadan ayrılmaq niyyətində olduğunu mayın 30-da bildirib.