Rusiyanın ötən gün raket atəşləri nəticəsində Vinnitsa şəhərinin mərkəzində dağıntıların növbəti nəticələri açıqlanıb.
Yeniavaz.com xəbər verir ki, Report-un sorğusuna cavab olaraq şəhər meriyası hadisə ilə bağlı yeni rəqəmləri açıqlayıb.
Belə ki, ötən gün Vinnitsada Rusiya tərəfindən atılan silsilə raket zərbələri nəticəsində 183 nəfər yaralanıb ki, onlardan 3-ü azyaşlı olmaqla 82-si ağır vəziyyətdədir. 24 nəfər həlak olub ki, 3-ü azyaşlı uşaqlardır. 18 nəfər isə itkin düşüb. Ərazidə azərbaycanlılara məxsus 3 mağaza dağılaraq tamamilə yararsız hala düşüb.
Qeyd edək ki hazırda xilasedicilər dağıntılar altında itkin düşənləri axtarırlar. Bildirirlər ki, yaralılar arasında ölənlərin olacağı istisna edilmir.
![](https://cdn.yeniavaz.com/uploadedfiles/custom/2022/7/15/1/591f6525-ce25-4d50-83d2-5880ac100536/vinnitsa-azerbaycanlilar-5.jpg)
![](https://cdn.yeniavaz.com/uploadedfiles/custom/2022/7/15/1/abaedfe7-4b08-4bef-a081-dbc5ef3030bd/vinnitsa-azerbaycanlilar-4.jpg)
![](https://cdn.yeniavaz.com/uploadedfiles/custom/2022/7/15/1/b58a3b07-dd1a-48d1-a376-38b1e7e74d4b/vinnitsa-azerbaycanlilar-2.jpg)
![](https://cdn.yeniavaz.com/uploadedfiles/custom/2022/7/15/1/7323a792-d7bb-43fb-8442-b54710b88ffa/vinnitsa-azerbaycanlilar-1.jpg)
![](https://cdn.yeniavaz.com/uploadedfiles/custom/2022/7/15/1/1777bbc4-7373-4b10-85b4-28af0e207750/vinnitsa-azerbaycanlilar.jpg)