“SOCAR deyir ki, dünyada qiymət artıb deyə, bizdə də qalxır - yenə yalan danışırlar”

“Premium markalı benzinin qiyməti dövlət tərəfindən tənzimlənmir”.
Yeniavaz.com xəbər verir ki, bu barədə iqtisadçı Natiq Cəfərli bildirib.
“Bu benzin növü siyahıdan çıxarılanda dövlət orqanları bir neçə şirkətlərin iştirakı ilə rəqabətli mühitin yaradılacağını və qiymət tənzimlənməsi baş verəcəyini açıqlamışdılar. Amma bu, baş vermədi, ölkəyə bu benzini SOCAR-ın törəmə şirkəti gətirir və qiyməti də özləri diktə edir”, - Natiq Cəfərli deyib.
Onun sözlərinə görə, əgər bazarda böyük oyunçular olsaydı, fərqli qiymətlər görərdik:
“SOCAR-ın rəqibi və başqa alternativi yoxdur, ona görə də qiyməti istədiyi kimi diqtə edir. Özü də hökumət o qədər primitivdir ki, dünyada neft qiymətlərinin 100 dollardan aşağı düşdüyü gün SOCAR vasitəsi ilə qiyməti qaldırır. Yəni, 1 ay qabaq neft 130 dollar idi, indi 99 dollardır, SOCAR isə bu gün deyir ki, dünyada qiymət artıb deyə, bizdə də qalxır - yenə yalan danışırlar...”, - o qeyd edib.