Xəbər verdiyimiz kimi, ötən gün – iyulun 9-da Şri-Lankada xalqın etirazı ilə Prezident Qotabaya Rajapaksa vəzifəsini qoyaraq ölkədən qaçıb.
Yeniavaz.com xəbər verir ki, sosial şəbəkələrdə Q. Rajapaksaya aid avtomobillərin görüntüləri yayılıb.
Xalqın ehtiyac içində yüksək infilyasiya ilə mübarizə apardığı dövrdə prezidentin onlarla bahalı avtomobilinin olması ciddi müzakirələrə səbəb olub.
Sözügedən kadrları təqdim edirik:
Xatırladaq ki, Rajapaksalar 20 ilə yaxındır Şri-Lankanı idarə edir. Uzun illərdir həmin ailənin üzvləri, yaxın qohumları ölkədə ən yüksək vəzifələri tuturdular. Prezident Qotabaya Rajapaksanın qardaşı Mahinda Rajapaksa Baş nazir olub. Digər qardaşı Basil Rajapaksa parlament üzvü, baş nazirin oğullarından biri idman naziri, digəri müşaviri kimi çalışıb. Həmçinin həmin ailənin üzvləri arasında kənd təsərrüfatı naziri, su və melorasiya naziri olub. O cümlədən həmin ailədən çox sayda insan ölkənin idarəetmə sistemində fəaliyyət göstərib.
Qeyd edək ki, Şri-Lankada ciddi iqtisadi böhran var, inflyasiya 70 faizə çatıb, ölkədə əhalinin rifahı isə gündən-günə aşağı düşür.
Tətbiqimizi yükləyə bilərsiniz
