“Paşa Kapital” gəlirlərini açıqladı

Ölkənin ən böyük investisiya şirkətlərindən biri olan “Paşa Kapital İnvestisiya Şirkəti” QSC ötən il üçün maliyyə hesabatını açıqlayıb.
Yeniavaz.com şirkətin açıqladığı hesabata istinadən bildirir ki, “Paşa Kapital İnvestisiya Şirkəti” QSC-nin ötən il 2 milyon 461 min 187 manat gəliri olub. Şirkətin gəlirləri 2020-ci illə müqayisədə 11,5% və ya 319 min 133 manat azalıb.
Məlumat üçün bildirək ki, 300 min manat nizamnamə kapitalı olan “Paşa Kapital İnvestisiya Şirkəti” QSC 27.06.2012-ci ildə dövlət qeydiyyatına alınıb. Hüquqi ünvanı Nəsimi rayonu, Lev Tolstoy, ev 170-də yerləşən QSC-nin qanuni təmsilçisi Hacıyev Ceyhun Afil oğludur. “Paşa Kapital İnvestisiya Şirkəti” QSC-nin səhimlərinin 100%-i “Paşa Holdinq”ə aiddir.

A. Cəfərov