İşğaldan azad olunan ərazilərdə flora və faunanın mühafizəsi daxili işlər orqanlarının diqqət mərkəzindədir, xüsusi olaraq nəzarət tədbirləri həyata keçirilir.
Yeniavaz.com xəbər verir ki, bu barədə DİN-in Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev məlumat yayıb.
Onun sözlərinə görə, həmin ərazilərdə nadir heyvan növlərinin - dağ keçiləri, cüyür, ayı, bəbir, ular, Qafqaz tetrasının, çaylarda isə balıqların ovlanmasına, onlara zərər yetirilməsinə icazə verilmir:
“Həmin əraziyə gedən şəxslər bu barədə təlimatlandırılırlar. O gözəlliyin qorunması, onun artması üçün aidiyyəti dövlət qurumları ilə birgə tədbirlərlə bağlı Daxili İşlər Nazirliyi tərəfindən polis və Daxili Qoşunların hərbi qulluqçularına müvafiq göstərişlər verilib”.