Regionlarda magistratura imtahanında ən yüksək nəticə göstərdilər - Fotolar

Region universitetləri arasında magistraturaya qəbul imtahanlarında ən yüksək nəticə göstərən tələbələr bəlli olub.
Yeniavaz.com xəbər verir ki, bu barədə “Azərbaycan Universitetləri” səhifəsi məlumat yayıb.
Bildirilib ki, ən yüksək nəticə göstərən 2 nəfərdən biri Mətanət Seyidovadır.
Naxçıvan üzrə ən yüksək nəticənin sahibi M. Seyidova qəbul imtahanında 92 bal toplayıb.
O, 4 il öncə Naxçıvan Dövlət Universitetinə 615 balla daxil olub və bu il ortalama 95 balla məzun olacaq.
Qeyd edilib ki, yüksək nəticə göstərən digər abituriyent isə Zaur Salahovdur. O magistraturaya qəbul imtahanında 92 bal toplayıb. Z. Salahov magistratura təhsilini də 640 balla bakalavr pilləsinə qəbul olduğu Azərbaycan Dövlət Aqrar Universitetində davam etdirəcək.