![](https://cdn.yeniavaz.com/uploadedfiles/custom/2022/5/31/1/3bd08da7-ded0-4916-b284-27b97ab90472/xerson-yeni.jpg)
Bu gündən etibarən Xerson ərazisində rubl tam dövriyyəyə buraxılıb, bütün mağazalardan rubl və qrivna ilə ticarət etmək tələb olunur.
Yeniavaz.com xəbər verir ki, bu barədə “RİA Novosti”yə Xerson vilayətinin hərbi-mülki administrasiyası rəhbərinin müavini Kirill Stremousov bildirib.
“Bazar ertəsindən Xerson şəhərində rubl tam dövriyyəyə buraxılıb. Bu gün bütün mağazalardan məhsullarını yalnız rubl və qrivnalarla satmaq tələb olunur. Qiymət etiketləri göstərilməlidir”, - o deyib.
Qeyd edək ki, hərbi əməliyyatlar zamanı Rusiya hərbçiləri Ukraynanın cənubundakı Xerson vilayəti və Zaporojye vilayətinin Azov hissəsinə nəzarəti ələ keçirib. Regionlarda mülki-hərbi idarələr formalaşdırılıb, Rusiya telekanalları və radioları yayıma başlayıb, Krımla ticarət əlaqələri bərpa olunur.