![](https://cdn.yeniavaz.com/uploadedfiles/custom/2022/5/31/1/10081dbc-b59b-4874-934f-4eda4fdc2a3e/avqustin-esas.jpg)
Naməlum şəxslər Nyu-Yorkdakı Müqəddəs Avqustin kilsəsindən 2 milyon dollar dəyərində qızıl əsər oğurlayıblar.
Yeniavaz.com xarici KİV-ə istinadən xəbər verir ki, bu barədə şəhər polisi məlumat yayıb.
“Polisə məlumat daxil olub ki, mayın 26-da saat 18:30-dan mayın 28-i saat 16:00-a qədər Altıncı Prospekt 116 ünvanında yerləşən Müqəddəs Avqustin Roma Katolik Kilsəsinin qurbangahı açıq olub. 18 karatlıq xalis qızıldan qiymətli daşlarla düzəldilmiş çadır ələ keçirilib”, - məlumatda bildirilib.
Bildirilib ki, çadırın təxmini dəyəri 2 milyon dollardır.
Mələk heykəli də zədələnib. Onun başının qoparıldığı qeyd edilib.
Nyu-York Polis Departamenti oğurluqla bağlı məlumat toplamaq üçün ictimaiyyətdən kömək istəyir.
![](https://cdn.yeniavaz.com/uploadedfiles/custom/2022/5/31/1/bfd78c9e-e70a-4a79-8e91-81aec1c3f259/avqustin-1.jpg)