Azərbaycan sərhədçiləri tərəfindən saxlanılan erməni əsgər Eduard Martirosov Ermənistan tərəfinə qaytarılıb.
Yeniavaz.com “Sputnik Ermənistan”a istinadən xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
“Mayın 22-də Brüsseldə keçirilən üçtərəfli görüş zamanı əldə olunmuş razılığa əsasən və Rusiyanın Qarabağdakı sülhməramlı kontingentinin komandiri general-mayor Andrey Volkovun vasitəçiliyi ilə aprelin 23-də Ermənistan-Azərbaycan sərhədini keçən müddətli həqiqi hərbi xidmət hərbi qulluqçusu əsgər Eduard Martirosov mayın 26-da Ermənistan tərəfə qaytarılıb”, - məlumatda bildirilib.
Xatırladaq ki, E. Martirosovun Ermənistana qaytarılacağı ilə bağlı daha əvvəl xəbər vermişdik.