Putin yeni nazir təyin etdi

Rusiya Prezidenti Vladimir Putin Aleksandr Kurenkovun Rusiya Fövqəladə Hallar Nazirliyinin rəhbəri təyin edilməsi haqqında fərman imzalayıb.
Yeniavaz.com xəbər verir ki, bu barədə “Kremlin” məlumat yayıb.
“Rusiya Prezidenti Vladimir Putin general-mayor Aleksandr Vyaçeslavoviç Kurenkovu Rusiya Federasiyasının mülki müdafiə, fövqəladə hallar və təbii fəlakətlərin nəticələrinin aradan qaldırılması naziri təyin edib”, - məlumatda bildirilib.
Bu gün səhər saatlarında Kurenkovun Fövqəladə Hallar Nazirliyinin rəhbəri vəzifəsinə namizədliyi Federasiya Şurası tərəfindən təsdiqlənib.
Qeyd edək ki, Rusiya FHN-nin əvvəlki rəhbəri Yevgeni Ziniçev 2021-ci il sentyabrın 8-də Norilskdə Arktika təlimləri zamanı kinorejissor Aleksandr Melniki xilas edərək dünyasını dəyişib. Bundan sonra onun səlahiyyətlərini nazirin birinci müavini Aleksandr Çupriyayan icra edib.