İngiltərə çempionu bəlli oldu

Bu gün İngiltərə Premyer Liqasında 2021/2022 mövsümünün qalibi müəyyənləşib.
Yeniavaz.com xəbər verir ki, çempionluq uğrunda "Mançester Siti" və "Liverpul" mübarizə aparırdı.
"Mançester Siti"yə çempionluq üçün qələbə kifayət edirdi. Ancaq "Liverpul" mövsümü 1-ci yerdə tamamlamaq üçün bu görüşdə qalib gəlməli və "şəhərlilər"in isə xal itirməsini gözləməli idi. Bugünkü oyunlarda həm "Mançseter Siti", həm də "Liverpul" əzmkar qələbə qazanıb. Bu nəticələr isə "şəhərlilər"i çempion edib.
Xosep Qvardiolanın komandası 93 xalla 1-ci, "Liverpul" isə 92 xalla 2-ci olub. "Çelsi" 74 xalla mövsümün 3-cü yerdə tamamlayıb.

22 may

19:00. "Mançester Siti" - "Aston Villa" - 3:2

Qollar: Kaş, 37 (0:1), Koutinyo, 69 (0:2), Gündoğan, 76 (1:2), Rodri, 78 (2:2), Gündoğan, 81 (3:2)

19:00. "Liverpul" - "Vulverhempton" - 3:1

Qollar: Neto, 3 (0:1), Mane, 24 (1:1), Salah, 84 (2:1), Robertson, 89 (3:1)