Moldovada səfərbərlik olacaq?

Moldovanın Baş naziri Nataliya Qavrilitsa ölkədə səfərbərlik olub-olmayacağını açıqlayıb.
Yeniavaz.com xarici KİV-ə istinadla xəbər verir ki, Moldovada terror aktları və Dnestryanı ətrafında vəziyyətin gərginləşməsi fonunda səfərbərliyə ehtiyac olmadığını deyib. "Bizim bu cür addım üçün heç bir səbəbimiz yoxdur. Biz ictimai narahatlığı azaltmaq üçün səy göstəririk. Vəziyyət dəyişərsə, rəsmi kanallar vasitəsilə ictimaiyyəti xəbərdar edəcəyik", - deyə o qeyd edib.
Xatırladaq ki, ötən həftə Dnestryanıda silsilə terror aktları törədilib.