![](https://cdn.yeniavaz.com/uploadedfiles/custom/2022/5/5/1/39948526-d33f-4957-8621-0ba418dfed2a/dairo-usuqa.jpg)
“Otoniel” ləqəbi ilə tanınan kolumbiyalı narkotik alverçisi Dairo Usuqa narkotik alverində ittiham olunmaq üçün ötən gün ABŞ-a ekstradisiya edilib.
Yeniavaz.com xəbər verir ki, bu barədə “CNN”ə Kolumbiya Milli Polisindəki mənbə bildirib.
Usuqa Meksika və ABŞ-a gedən “kokain yolları”na nəzarət edən güclü narkotik karteli “Clan del Golfo”nun rəhbəri hesab olunur.
Narkobaron Nyu-York və Florida rayon məhkəmələrində narkotik alveri ilə bağlı çoxsaylı ittihamlarla üzləşib. Dövlət Departamenti əvvəllər onun həbsinə və ya məhkum edilməsinə səbəb olacaq məlumat üçün 5 milyon dollara qədər pul təklif edib.
Onun yaxın bir neçə saat ərzində ABŞ-da hakim qarşısına çıxacağı gözlənilir.