Saçları tökülən qadınlar nə yeməlidir? - Məşhur trixoloqdan məsləhət


"Saç tökülməsi normal fizioloji prosesdir. Saçın ömrü 2 ildən 5 ilə qədərdir. Bununla belə, güclü saç tökülməsi bədənin intoksikasiyası, güclü dərmanların istifadəsi, koronavirus kimi səbəblərdən tökülə bilər". 
Yeniavaz.com xəbər verir ki, bunu məşhur trixoloq Natalya Petrovskaya deyib.
“Saç tökülməsinin qarşısının alınması üçün əllərinizlə və ya masajçı ilə baş masajı etmək olar. Bu, qan dövranını yaxşılaşdırır və saç follikullarının qidalanmasına faydalı təsir göstərəcəkdir. Saçınızı yumadan əvvəl qan dövranını stimullaşdıran və aşındırıcı təsir göstərən skrablardan istifadə edə bilərsiniz. Eyni zamanda, quru şampun istifadəsini minimuma endirmək daha yaxşıdır", - deyə Petrovskaya bildirib.
Trixoloq həmçinin sıx quyruq düzəltməyi, saçınızı çox isti su ilə yumağı və fenlə qurutmağı məsləhət görmür.
Petrovskaya qadınlara saç tökülməsini dayandırmaq üçün balıq yeməyi məsləhət görüb: "Bu vəziyyətdə qidalanma mühüm rol oynayır, çünki yanlış pəhriz saç tökülməsinə səbəb ola bilər. Belə ki, o, həkimlə məsləhətləşdikdən sonra qırmızı ət, paxlalılar, balıq, qoz-fındıq və yumurta yeməyi, həmçinin vitamin qəbul etmək lazımdır. Saçlar üçün çoxlu maddələr lazımdır. Xüsusilə bunlar B, C, D qrupunun vitaminləridir. Dəmir, sink, fol turşusu, selenium saç üçün faydalıdır. Bu elementləri həm qidadan, həm də dərmanlardan almaq olar”.

 

 

DİGƏR XƏBƏRLƏR

Top