Fransada prezident seçkilərinin ikinci turu başlayıb

Fransada prezident seçkilərinin ikinci turunda səsvermə başlayıb.
Yeniavaz.com xəbər verir ki, Paris vaxtı ilə saat 08:00-da (Bakıvaxtı ilə 10:00) ölkə üzrə 70 min seçki məntəqəsi açılıb.
Seçici siyahılarında 48,7 milyon fransalı qeydə alınıb. Fransanın əksər seçki məntəqələrində onlar yerli vaxtla saat 19:00-a qədər (Bakı vaxtı ilə 21:00) səs verə biləcəklər. Paris, Lill, Bordo, Marsel, Tuluza kimi iri şəhərlərdə səsvermə bir saat sonra - yerli vaxtla saat 20:00-da (Bakı vaxtı ilə 22:00) başa çatacaq.
Fransızlar ikinci tura yüksəlmiş iki namizəd arasında seçim etməli olacaqlar. 2017-ci ildə bu vəzifəyə seçilən Fransa prezidenti Emmanuel Makron yaratdığı Mart hərəkatında Respublikanın dəstəyi ilə ikinci müddətə namizədliyini irəli sürür. Onun rəqibi olan deputat Marin Le Penin namizədliyi isə Milli Ralli partiyası tərəfindən irəli sürülüb.
Rəqiblər ikinci raundda ikinci dəfə mübarizə aparırlar: 2017-ci ildə Makron 66,1% səs toplayaraq seçkilərdə lider olub, Le Pen 33,9% səslə finiş xəttinə ikinci gəlib.