Yeni "10 manatlıq"da niyə Elman Rüstəmovun imzası var?

Xəbər verdiyimiz kimi, Azərbaycan Mərkəzi Bankı 10 manatlıq pul nişanını yeniləyib.
Yeniavaz.com xəbər verir ki, sözügedən əsginasın üzərində Mərkəzi Bankın sabiq sədri Elman Rüstəmovun imzası olacaq.
Məsələ ilə bağlı qurum açıqlamasında bildirib ki, tədavülə buraxılan yenilənmiş 10 manatlıq pul nişanının istehsalı artıq başa çatdığından, bu pul nişanlarının üzərində Mərkəzi Bankın sabiq sədrinin imzası əks olunub.
Qeyd edək ki, Elman Rüstəmov 1995-2022-ci illərdə Azərbaycan Mərkəzi Bankının İdarə Heyətinin sədri olub.