“Şoyqu reanimasiaydadır, 20 general həbs edilib” - İDDİA

“Şoyqu oyundan kənarda qalıb, bəlkə sağ qalsa, əlil olacaq. Qəfildən infarkt keçirib, reanimasiyadadır, cihazlara qoşulub. Şayiələrə görə, infarkt təbii səbəblərdən baş verməyib”.
Yeniavaz.com xəbər verir ki, bunu İsraildə yaşayan, Rusiyada qiyabi olaraq ömürlük həbs cəzasına məhkum edilmiş, lakin eyni zamanda Moskvanın işgüzar və siyasi dairələri ilə əlaqələrini qoruyub saxlayan “YUKOS” şirkətinin keçmiş sahibi Leonid Nevzlin Moskvadakı mənbələrinə istinadən deyib.
“Müdafiə Nazirliyinin 20 generalı həbs edilib. Bütün qərargah. Burada hər şey aydındır. 2014-cü ildən bəri Putinin blitzkriq (sürətli qələbə qazanmaq üçün gərgin hərbi kampaniya – red.) hazırlamaq üçün ayırdığı 10 milyard dollara yaxın vəsait oğurlanıb.
Arkadi Dvorkoviçə (“Rosselxozbank” ASC Müşahidə Şurasının sədri – red.) qarşı cinayət işi hazırlanır, onun həmkarlarına və dostlarına qarşı ifadə verməsi gözlənilir. FTB-dəki mənbələr bildirirlər ki, o, istintaqla razılaşmasa, “Matrosskaya Tişina” və ya “Lefortovo” istintaq təcridxanasına köçürüləcək.
Surkov (Vladislav Surkov, Vladimir Putinin keçmiş müşaviri – red.) ev dustaqlığındadır, o, müharibəyə hazırlıq üçün ayrılan pulları oğurlamaqda şübhəli bilinir”, - o bildirib.