![](https://cdn.yeniavaz.com/uploadedfiles/custom/2022/1/5/1/d797f6ad-44ac-4596-8188-7529c0e6854b/kasim-jomart-tokayev.jpg)
Qazaxıstanın Bakıdakı Səfiri Serjan Abdıkarimov Azərbaycan Respublikasının Xarici İşlər Nazirinin Müavini Xələf Xələfov ilə görüş keçirib.
Bu barədə Yeniavaz.com-a Qazaxıstan Səfirliyindən məlumat verilib.
Bildirilib ki, görüşdə S. Abdikarimov Prezident Kasım-Jomart Tokayevin adından Qazaxıstan-Azərbaycan münasibətlərin inkişafında verdiyi mühüm töhfələrə görə X. Xələfova “Qazaxıstan Respublikasının Müstəqilliyinin 30 illiyi” yubiley medalını təqdim edib.
Danışıqlar zamanı diplomatlar ikitərəfli əməkdaşlığın bundan sonra da möhkəmləndirilməsi məsələlərini, o cümlədən, bu il iki ölkə arasında diplomatik münasibətlərin qurulmasının 30 illiyi ilə əlaqədar müxtəlif tədbirlərin hazırlanması və keçirilməsini müzakirə ediblər.
![](https://cdn.yeniavaz.com/uploadedfiles/custom/2022/4/12/3/f2f1c15d-3967-4c28-ae38-c69f9a27ae89/serjan-abdikarimov-xelef-xelefov_637853628155404441.jpg)