Rusiyadan Ukraynanın itkiləri barədə AÇIQLAMA

Rusiya Ukrayna əraizisində başlatdığı müharibədə qarşı tərəfin son itkilərini açıqlayıb.
Yeniavaz.com xəbər verir ki, bu barədə Rusiya Müdafiə Nazirliyi İnformasiya və Kütləvi Kommunikasiyalar İdarəsinin rəisi general-mayor İqor Konaşenkov məlumat verib.
Ukraynanın itkilərinin bu şəkildə olduğu bildirilir:
“Rusiya Aerokosmik Qüvvələrinin operativ-taktiki aviasiyası Ukraynanın 78 hərbi obyektini vurub;
Ukraynada xüsusi əməliyyat başlayandan bəri RF Silahlı Qüvvələri 441 pilotsuz uçuş aparatını, 239 RYAS (reaktiv yaylım atəşi sistemi) qurğusunu və 2079 tank və zirehli texnikanı məhv edib;
RF Silahlı Qüvvələri “Kalibr” dəniz bazalı raketlərindən istifadə edərək, Avropadan tədarük edilən S-300 zenit-raket batalyonunun texnikasını məhv edib;
S-300 diviziyasının avadanlıqlarının məhv edilməsi zamanı Ukrayna silahlı qüvvələrinin 25-ə qədər şəxsi heyəti vurulub;
Xerson vilayətində Ukraynaya məxsus Mi-24 hərbi vertolyotu atıcı silahlardan açılan atəşlə havada vurulub;
Velikaya Novoselovka qəsəbəsi ərazisində raketlər Ukrayna Silahlı Qüvvələrinin təmir bazasını, o cümlədən "Buk-M1" zenit-raket komplekslərini məhv edib;
Rusiyanın hava hücumundan müdafiə sistemləri İzyum kəndi yaxınlığında havada iki Ukrayna Su-25 təyyarəsini vurub;
Rusiya Silahlı Qüvvələri Donbassda 9 tankı, 5 özüyeriyən “Akasiya” qurğusunu, 5 “Qrad” RYAS və 60-dan çox millətçini yüksək dəqiqlikli silahların zərbəsi ilə məhv edib”.