Rusiyanın Ukraynadakı əməliyyatlarının komandanlığı yenidən təşkil edilib. Yeni komandan Suriyadakı döyüş əməliyyatlarında böyük təcrübəyə malik olan bir generaldır.
Yeniavaz.com xəbər verir ki, bu barədə adının açıqlanmasını istəməyən mənbə BBC-nin müxbiri Qordon Koreraya bildirib.
Onun sözlərinə görə, hazırda Ukraynadakı hərbi əməliyyatlara Rusiyanın cənub hərbi dairəsinin komandiri ordu generalı Aleksandr Vladimiroviç Dvornikov rəhbərlik edir.
“Həmin komandir Rusiyanın Suriyadakı əməliyyatlarında böyük təcrübəyə malikdir. Beləliklə, biz ümumi komandanlığın və nəzarətin yaxşılaşacağını gözləyərdik”, - mənbə bildirib.
Rəsmi mənbə vurğulayıb ki, yeni təyinat müxtəlif bölmələr arasında koordinasiyanı yaxşılaşdırmaq məqsədi ilə həyata keçirilib, çünki rus qrupları əvvəllər ayrı-ayrılıqda təşkil edilib və onlara komandanlıq edilib.
Rəsmi əlavə edib ki, siyasi imperativlər hərbi prioritetlərdən üstün ola bilər, Rusiya ölkənin İkinci Dünya Müharibəsində qələbəni qeyd etdiyi 9 May ərəfəsində müəyyən uğur əldə etmək üçün irəliləyir.
Qeyd edək ki, A. Dvornikov 2016-cı ildə hərbi borcunu yerinə yetirərkən göstərdiyi şücaət və qəhrəmanlığa görə Rusiya Federasiyasının Qəhrəmanı adına layiq görülüb. 2016-cı il martın 17-də Rusiya prezidenti Vladimir Putin general-polkovnik Aleksandr Dvornikova Rusiya Federasiyası Qəhrəmanı qızıl ulduzunu təqdim edib.
Tətbiqimizi yükləyə bilərsiniz
