Türkiyənin Qazi Universiteti ilə Mingəçevir Dövlət Universiteti arasında “Qarşılıqlı, faydalı əməkdaşlıqda yeni hədəflər” mövzusunda konfrans keçirilib.
Yeniavaz.com xəbər verir ki, birgə konfransı Mingəçevir Dövlət Universitetinin rektoru Şahin Bayramov açaraq Türkiyənin Qazi Univerisitetindən Mingəçevir şəhərinə gəlmiş qonaqları salamlayaraq onları təqdim etdi. Bildirdi ki, uzun müddətdir Türkiyənin Qazi Universiteti ilə Mingəçevir Dövlət Universiteti arasında qarşılıqlı, faydalı əməkdaşlıq davam edir. Bu əməkdaşlığın nümunəsi olaraq bu gün hörmətli qonaqlarımız Mingəçevirə gəlmiş və bizimlə birlikdə əməkdaşlıq forumu keçirməyi qərara almışdır. Ş.Bayramov qeyd etdi ki, Türkiyənin Qazi Universiteti 1926-cı ildən bəri fəaliyyət göstərir. Universitet dünyanın ən öndə gedən ali məktəbləri sırasındadır. Burada 11 fakültədə tələbə təhsil alır ki, bu da universitetin böyük reytinqindən xəbər verir. Bildirmək istəyirəm ki, universitetin təkcə texnologoya fakültəsində 4500-dən artıq tələbə təhsil alır. Texnologiya fakültəsi reytinqinə görə univerisitetdə fəaliyyət göstərən fakültələr arasında ön sırada gedir.
Sonra Qazi Universitetinin texnologiya fakültəsinin dekanı Süleyman Tekerli, həmin universitetin texnologiya fakültəsi kompüter mühəndisliyinin rəhbəri O. Ayhan Erdem çıxış edərək universitetləri haqqında təqdimatlarını verdilər. Kompyuter texnikasının gücü ilə universitetin professor müəllim və tələbələrinə nümayiş olunan slaydlar maraqla qarşılandı. Hər iki qonaq maraqlı təqdimatları ilə çıxış etdilər. Qazi Unversiteti haqqında verilən məlumatlar Mingəçevir Dövlət Universitetinin akt zalına toplaşanların razılığına səbəb oldu.
Mingəçevir Dövlət Universitetinin rektoru maraqlı çıxışlarına görə universitet kollektivi adından qonaqlara minnətdarlığını bildirdi. Konfransda iştirak edən professor, müəllim və tələbələrin sualları dolğun cavablandırıldı.
Günün ikinci yarsında hörmətli qonaqlar Mingəçevir Sənaye Parkında daha sonra isə Azərbaycan İstilik Elektrik Stansiyasın MMC-də oldular.
Esmira Hidayətova, Mingəçevir
Tətbiqimizi yükləyə bilərsiniz
