Azərbaycanda yoluxanların neçəsi xəstəxanada müalicə alır?

"Hazırda xəstəxanada müalicə alan koronavirus xəstələrinin sayı azdır. Bu da reanimasiyada yatan xəstələrin sayına da təsir edir".
Yeniavaz.com "report"a istinadla xəbər verir ki, bu fikirləri Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri vəzifəsini icra edən Vüqar Qurbanov jurnalistlərə açıqlamasında deyib.
Onun sözlərinə görə, aktiv koronaviruslu xəstələrdən 50 nəfərinin müalicəsi hazırda xəstəxana şəraitində davam edir: "Onların vəziyyəti sabitləşməyə doğru gedir və qısa müddətdə onlar evə buraxılacaqlar".