ABŞ Ukraynaya daha 300 milyonluq vəsait ayırır

Pentaqon Ukraynaya əlavə 300 milyon dollarlıq hərbi yardım elan edib.
Yeniavaz.com xəbər verir ki, bu barədə ABŞ Müdafiə Nazirliyinin saytındakı press-relizdə deyilir.
“Bu qərar ABŞ-ın Rusiyanı dəf etməsi yolunda qəhrəmancasına səylərini dəstəkləmək üçün Ukraynanın suverenliyi və ərazi bütövlüyünə sarsılmaz sadiqliyini vurğulayır”, - press-relizin mətnində qeyd edilib.
Sözügedən yardım paketinə aşağıdakılar daxildir:

• Lazerlə idarə olunan raket sistemləri
• Taktiki PUA “Switchblade”
• PUA “Puma”
• Zirehli yüksəkmobilli çox məqsədli maşınlar
• Kiçik və böyük çaplı döyüş sursatları
• Gecə görmə cihazları, termal görüntülər
• Taktiki müdafiə rabitə sistemləri
• Kommersiya peyk görüntüləri xidmətləri
• Dərmanlar, sahə avadanlığı və s.

Qeyd olunur ki, ABŞ bu günə qədər Ukraynaya təhlükəsizlik yardımı üçün artıq 2,3 milyard dollardan çox, o cümlədən Rusiyanın hərbi müdaxiləsi başlayandan sonra 1,6 milyard dollardan çox vəsait ayırıb.