Finlandiyanın “VR Transpoint” dəmir yolu şirkəti (yükdaşımalar üzrə dövlət dəmir yolu operatoru VR-nin törəmə müəssisəsi - Red.) martın 30-dan Rusiya ilə əlaqəni bərpa edir.
Yeniavaz.com “RIA”ya istinadla xəbər verir ki, şirkət daha əvvəl Britaniyanın Rusiya Dəmir Yollarına qarşı tətbiq etdiyi sanksiyalara görə martın 27-dən etibarən sərhəddən daşımaları dayandıracağını bildirmişdi.
"Britaniya səlahiyyətliləri və banklarının yenidən işlənmiş şərhinə görə, sanksiyalar bizim əməliyyatlarımıza şamil edilmir", - “VR Group”un baş direktoru Lauri Sipponen deyib.
O əlavə edib ki, şirkət ixrac, idxal və tranzit daşımaları davam etdirə biləcək. Eyni zamanda, sanksiyalar altında olan mal göndərənlərə və ya sahiblərinə xidmət göstərməyəcək.
Qeyd olunur ki, 2021-ci ildə “VR Transpoint”in yükdaşıma həcmi təxminən 37 milyon ton təşkil edib ki, bu da Finlandiya ilə Rusiya arasındakı yükdaşıma payının təxminən üçdə birinə bərabərdir.
Tətbiqimizi yükləyə bilərsiniz
