Türkiyə Müdafiə Sənayesi İdarəsinin rəhbəri İsmayıl Dəmir S-400 sistemlərindən imtina etmək niyyətində omadıqlarını deyib.
Yeniavaz.com xəbər verir ki, o bu barədə “İzvestiya”ya danışıb. İ. Dəmir bildirib ki, Türkiyə ABŞ-ın təzyiqi altında Rusiyanın S-400 sistemlərindən imtina etməyəcək:
“Bu, bizim üçün müzakirə mövzusu deyil . Biz bu məsələni keçmişdə müzakirə etmişik və indi (Rusiya Federasiyası ilə əməkdaşlığı) davam etdiririk. Bundan imtina hətta müzakirə mövzusu belə deyil”.
İsmayıl Dəmirin deyib ki, Türkiyə öz siyasətini və yolunu müəyyən etməyi bacarır və bu, həmişə belə olub.
Xatırladaq ki, ABŞ qeyri-rəsmi yollarla Türkiyəyə S-400 hava hücumundan müdafiə sistemlərini Ukraynaya verməyi tövsiyə etmişdi.
Tətbiqimizi yükləyə bilərsiniz
