ABŞ və digər Qərb dövlətləri Rusiyanı potensial olaraq G20-dən (və ya İyirmilər qrupu - dünyanın ən böyük iqtisadiyyatına malik 19 ölkəsindən və Avropa Birliyindən (AB) ibarətdir) kənarlaşdırmaq üçün addım atmağı düşünürlər.
Yeniavaz.com xəbər verir ki, “Reuters” bu barədə öz mənbələrinə istinadla məlumat yayıb. Xəbər agentliyi həmçinin bildirib ki, Polşa çərşənbə axşamı ABŞ rəsmilərinə qrupda Rusiyanı əvəz etməyi təklif edib və onlar "müsbət cavab" alıblar.
Analitiklərin fikrincə, Çin, Hindistan və Səudiyyə Ərəbistanı da daxil olmaqla, G20-nin digər əsas dövlətləri tərəfindən bu qərara veto qoyulacaq.
Çərşənbə axşamı ABŞ-ın milli təhlükəsizlik müşaviri Ceyk Sullivan bu barədə suala belə cavab verib:
"Biz inanırıq ki, bu, Rusiya bundan sonra beynəlxalq qurumlarda və beynəlxalq ictimaiyyətdə həmişəki kimi fəaliyyət göstərə bilməz".
Rusiya əvvəllər 2000-ci illərdə G8-ə qədər genişləndirilmiş G7-nin bir hissəsi idi. Lakin 2014-cü ildə Krımı ilhaq etdikdən sonra bu təşkilatdan qovuldu.
Qeyd edək ki, G20 iqlim dəyişikliyi və inkişaf da daxil olmaqla, qlobal iqtisadiyyata təsir edən məsələlər üzrə fəaliyyəti əlaqələndirmək məqsədi daşıyan dünyanın ən böyük iqtisadiyyatlarının toplusudur.
Tətbiqimizi yükləyə bilərsiniz
