![](https://cdn.yeniavaz.com/uploadedfiles/custom/2022/3/22/1/40f37376-5367-493a-b01e-8ac4387651d7/zelenski-terror.jpg)
Ukraynanın Ujqorod şəhərində hərbi əks-kəşfiyyat xidmətinin əməkdaşları Rusiya FSB agentinin rəhbərlik etdiyi təxribatçı qrupu saxlayıblar.
Yeniavaz.com xəbər verir ki, bu barədə Telegram-da jurnalist Vitali Qlaqola məlumat verib.
Onun sözlərinə görə, təxribat qrupu Ukrayna prezidentinə sui-qəsd etməyi, Kiyevdə və Ukraynanın digər vilayətlərində təxribat aksiyaları keçirməyi planlaşdırıb.
Təxribatın təşkilatçısı FSB-nin agentidir. O, 25 nəfərdən ibarət təxribat qrupu yaradıb, onları silahlandırıb və nəqliyyat vasitələri ilə təchiz edib.