Bu gün, 18 mart Rusiya-Ukrayna müharibəsinin 23-cü günüdür. Ukrayna ərazisində Rusiyanın başlatdığı hərbi əməliyyatlar hələ də davam edir.
Yeniavaz.com son sutka ərzində müharibə fonunda dünyada baş verən əhəmiyyətli hadisələrin qısa icmalını təqdim edir:
- Ukrayna prezidenti Vladimir Zelenski alman deputatları Avropanı azadlıq və zülm arasında ayıran yeni tipli “Berlin divarı”nı yıxmağa çağırıb.
- Rusiyalı həmkarı Vladimir Putin Türkiyə lideri Rəcəb Tayyib Ərdoğan ilə telefon danışığında Ukrayna ilə sülh razılaşması tələblərini açıqlayıb.
- Rusiya, planlaşdırdığı kimi cümə günü BMT-də səsvermə üçün humanitar qətnamə irəli sürməyəcəyini söylədi və ABŞ-ı xalqlara onu dəstəkləməmək üçün təzyiq göstərməkdə ittiham etdi.
- ABŞ və Böyük Britaniyanın müdafiə rəsmiləri deyirlər ki, Rusiya qüvvələri son zamanlar ərazi irəliləyişləri əldə etməyib, mənəvi və maddi-texniki problemlərlə mübarizə aparırlar.
- Ukraynanın ikinci ən böyük şəhəri Xarkov bombalanıb, lakin yerli qüvvələr mövqelərini qoruya biliblər.
- Yerli hakimiyyət bildirir ki, cənub-şərqdəki Mariupol şəhəri hələ də Rusiya qüvvələrinin ağır hücumları altındadır, lakin 30 minə yaxın insan şəhərdən çıxmağa müvəffəq olub.
- ABŞ prezidenti Co Baydenin çinli həmkarı Si Cinpinə zəng edərək, Çinin Rusiyanı Qərb sanksiyalarından xilası ilə bağlı xəbərdarlıq edəcəyi gözlənilir.
Tətbiqimizi yükləyə bilərsiniz
