Nobel Sülh Mükafatına Zelenskinin namizədliyi irəli sürüldü

Ukrayna prezidenti Volodimir Zelenskinin Nobel Sülh Mükafatına namizədliyi irəli sürülüb.
Yeniavaz.com “unian”a istinadla xəbər verir ki, avropalı siyasətçilər bu barədə məktubla mükafat komitəsinə müraciət ediblər.
Nobel Komitəsinə ünvanlanan açıq məktubda deyilir:
“Cəsarətli ukraynalı kişilər və qadınlar demokratiyanı və özünüidarəni qorumaq üçün mübarizə aparır. Ukraynanın demokratik yolla seçilmiş prezidenti Vladimir Zelenskidən tutmuş, ölkəsi uğrunda döyüşmək üçün ailəsi ilə göz yaşları içində vidalaşan adama qədər. Ukraynanın hər yerində insanlar qüvvələrə qarşı döyüşür. Bizim şəfqət və dəstək sözlərimiz insan haqları və sülh prinsipləri naminə verdikləri fədakarlıqların ədalətini bərqərar edə bilmir”.
Qeyd edək ki, bütün namizədlər fevralın 1-nə kimi təqdim edilməli idi, lakin avropalı siyasətçilər Zelenskinin namizədliyində israrlıdırlar və müraciət üçün son müddəti martın 31-dək uzatmağı xahiş edirlər:
"Biz bunun prosedur pozuntusu olduğunu başa düşsək də, hesab edirik ki, bu pozuntu indiki misli görünməmiş vəziyyətlə əsaslandırılır. Bizim demokratik borcumuz avtoritarizmə müqavimət göstərmək, demokratiya və özünüidarə hüququ uğrunda mübarizə aparan xalqı dəstəkləməkdir".
Nobel Sülh Mükafatına namizədlər arasında  ABŞ Milli Təhlükəsizlik Agentliyinin keçmiş əməkdaşı Edvard Snouden, “WikiLeaks”in qurucusu Culian Assanc və onun məlumatçısı Çelsi Manninq də var.