Türkiyə və Ukrayna müdafiə nazirləri telefonda danışıblar

Türkiyə milli müdafiə naziri Hulusi Akar ukraynalı həmkarı Oleksiy Reznikov ilə telefonda danışıb.
Yeniavaz.com xəbər verir ki, bu barədə Türkiyə Milli Müdafiə Nazirliyi tvitterdə məlumat yayıb.
Danışıq zamanı türkiyəli nazir təhlükəsiz təxliyənin təmin edilməsi və humanitar vəziyyəti yaxşılaşdırmaq üçün müəyyən müddətə də olsa atəşkəsin zərurətini vurğulayıb.
Bundan əlavə, H. Akar Türkiyənin Ukraynaya humanitar yardımın çatdırılması və sülhün bərqərar olması üçün üzərinə düşəni etməyə hazır olduğunu qeyd edib.