"Dünən gecə yarısından etibarən Avstraliyanın Rusiya prezidentinə və Rusiya Təhlükəsizlik Şurasının qalan daimi üzvlərinə hədəflənmiş maliyyə sanksiyaları qüvvəyə minib".
Yeniavaz.com xəbər verir ki, bu barədə Avstraliya Baş nazirinin mətbuat xidməti məlumat yayıb. Qeyd olunur ki, Rusiya prezidentinə və Təhlükəsizlik Şurasının qalan daimi üzvləri - Xarici işlər naziri Sergey Lavrov, müdafiə naziri Sergey Şoyqu, baş nazir Mixail Mişustin və daxili işlər naziri Vladimir Kolokoltsevə Avstraliyaya səyahət qadağaları da tətbiq edilib:
“Prezident Putin Zimbabvedən Robert Muqabe, Liviyadan Müəmmər Qəddafi və Suriyadan Bəşər Əsədin daxil olduğu çox kiçik qrupa qoşulur. Avstraliya qeyri-öldürücü hərbi texnika və tibbi ləvazimatları dəstəkləmək üçün NATO-nun Ukrayna üzrə Etimad Fonduna 3 milyon ABŞ dolları verəcək. İndiyədək Avstraliya Putinin qanunsuz və zorakı ambisiyalarını həyata keçirən korrupsioner oliqarxlar, deputatlar və hərbi komandirlər də daxil olmaqla 350-dən çox rusiyalıya sanksiya tətbiq edib. Üstəlik, Rusiyanın Belarusdan hücumlara keçməsinə icazə verərək Putinin təcavüzünə kömək edən Belarusun müdafiə naziri Viktor Xrenin də daxil olmaqla, 13 Belarus fiziki və qurumuna sanksiya tətbiq etdik”, - məlumatda bildirilib.
Tətbiqimizi yükləyə bilərsiniz
