Ana və iki övladını qətlə yetirən şəxsin FOTOSU

Xəbər verdiyimiz kimi, Bakıda ana və övladlarını qətlə yetirməkdə şübhəli bilinən Əhəd Əliyev polis tərəfindən saxlanılıb.
Yeniavaz.com "qaynarinfo"ya istinadla Əhəd Əliyevin fotosunu təqdim edir:

Qətlə yetirilən 1983-cü il təvəllüdlü Qaraxanova Gülnar Malik qızı və onun övladları - 2008-ci il təvəllüdlü Qaraxanlı Lamiyə Fəsahət qızı, 2011-ci il təvəllüdlü Qaraxanlı Ataxan Fəsahət oğlu bu gün Sabirabadda dəfn ediləcəklər. Gülnar Qaraxanovanın xaricdə ticarətlə məşğul olan həyat yoldaşı ailəsinin dəfnində iştirak etmək üçün vətənə dönüb.
İlkin məlumata görə, qətlə yetirilən G.Qaraxanovanın bacısının əri - Əhəd Əliyev cinayəti tamah məqsədi ilə törədib. Həmin şəxsin evdən apardığı pulun bir hissəsi - 20 min manat da ondan dəlil kimi aşkar edilərək götürülüb. O, polis əməkdaşları tərəfindən keçirilən intensiv əməliyyat-axtarış tədbirləri nəticəsində saxlanılıb.
Xatırladaq ki, Ə. Əliyev 2010-2015-ci ildə Saatlı rayon Novruzlu kənd məktəbinin direktoru vəzifəsində çalışıb, 2015-ci ildən sonra Sabirabad şəhər N. Nərimanov adına 2 saylı Beynəlmiləl Təbiət və Texniki təmayüllü məktəbdə dərs deyib.