Ölən hərbçi ilə bağlı yeni qərar verildi - "Tərtər işi"


Tərtər hadisələri ilə bağlı təqsirləndirilən şəxs qismində tanınmış, lakin öldüyünə görə cinayət işinə bəraətverici əsaslar olmadan xitam verilmiş müddətdən artıq həqiqi hərbi xidmət qulluqçusu Quliyev Elçin Mətləb oğlu ilə bağlı qərar ləğv edilib.

Yeniavaz.com APA-ya istinadla xəbər verir ki, Baş Prokuror Kamran Əliyev 31 yanvar 2021-ci il tarixində bununla bağlı qərarı ləğv edib. 

Sözügedən qərar bu gün mərhum hərbçinin anası Validə Əhmədovaya təqdim olunub.

Qeyd edək ki, bir müddət əvvəl Baş Prokurorluq, Daxili İşlər Nazirliyi və Dövlət Təhlükəsizliyi Xidmətinin Mətbuat xidmətləri “Tərtər işi”nin yenidən araşdırılması üçün istintaq qrupunun yaradılması ilə bağlı məlumat yayıb.

DİGƏR XƏBƏRLƏR

Top