ABŞ çətin gedilən sərhəd bölgələrində patrul xidməti aparmaq üçün Ukrayna Dövlət Sərhəd Xidmətinə 40 yolsuzluq avtomobili verib.
Yeniavaz.com xəbər verir ki, bu barədə ABŞ-ın Ukraynadakı səfirliyi öz “Facebook” səhifəsində məlumat yayıb . "ABŞ Ukraynaya sülh və təhlükəsizliyin möhkəmləndirilməsi səylərində dəstəyini davam etdirir. 4 fevral 2022-ci il tarixində ABŞ-ın Kiyevdəki səfirliyinin Ukrayna hüquq-mühafizə orqanlarına texniki yardım departamenti 40 tam ötürücülü "Mitsubishi"ni dövlətə təhvil verib”, -deyə məlumatda bildirilir.
Qeyd olunub ki, bu avadanlıq sərhədçilərə ayrılan 20 milyon dollarlıq təcili yardım paketinin bir hissəsidir.Yardıma həmçinin digər avtomobillər, radiorabitə, fərdi mühafizə vasitələri, çadırlar və digər avadanlıqlar daxildir.