Rusiya Monteneqronun Daxili İşlər Nazirliyinin dövlət katibi Zoran Milyaniçə ölkəyə giriş qadağası qoyub.
Yeniavaz.com “TASS”a istinadən xəbər verir ki, bu barədə Rusiya Xarici İşlər Nazirliyinin məlumatında deyilir.
Bildirilir ki, qadağa Monteneqronun iş adamı Telman İsmayılova siyasi sığınacaq verməsinə cavab olaraq qoyulub.
Xatırladaq ki, T. İsmayılova qarşı 2017-ci ilin noyabrında 2 nəfər moskvalı iş adamının qətlinin sifarişi ittihamı ilə cinayət işi açılıb və İnterpol xətti ilə axtarışa verilib.
O, ötən ilin oktyabrında Monteneqroda saxlanılmış, elə həmin ay sərbəst buraxılmışdı. T. İsmayılov bundan sonra Monteneqrodan siyasi sığınacaq alıb.
Tətbiqimizi yükləyə bilərsiniz
