Bağdad aeroportunu raketlə vurdular - FOTOLAR

İraqda Bağdad Beynəlxalq Hava Limanı raket hücumuna məruz qalıb.
Yeniavaz.com xəbər verir ki, bu barədə “RİA Novosti”yə İraq təhlükəsizlik orqanlarındakı mənbə bildirib. “Ən azı altı raket atılıb və uçuş-enmə zolağına düşüb” - deyə, mənbə bildirib. Atəş Bakı vaxtilə saat 05:30-da baş verib. Mərmilər hava hücumundan müdafiə sistemi sayəsində zərərsizləşdirilib. Nəticədə dayanacaqda olan təyyarə zədələnib.
Təfərrüatlar araşdırılır və hələlik heç kim baş verənlərə görə məsuliyyəti üzərinə götürməyib.