Böyük Britaniyanın tibb orqanları ölkədə ilkin təhlillərə görə daha da sürətlə yayılan koronavirusunun omikron ştammının yeni alt növünü müəyyən ediblər.
Yeniavaz.com TASS-a istinadla xəbər verir ki, bu barədə Böyük Britaniyanın Səhiyyə Təhlükəsizliyi Agentliyi (UKHSA) məlumat yayıb.
İndiyədək ölkədə yeni ştamla 426 yoluxma halı qeydə alınıb, onlardan 146-sı Londonda, daha 97-si isə Cənub-Şərqi İngiltərə bölgəsindədir. Qeyd olunur ki, BA.2 adı verilən həmin növə ilk yoluxma 2021-ci il dekabrın 6-da Böyük Britaniyada baş verib. Qarşıdakı həftələrdə işlərin artması davam edərsə, o zaman BA.2 krallıqdakı omikron, delta, alfa, qamma və beta ştammlarını əhatə edən kateqoriyaya aid olan "narahatlıq variantı" kimi təsnif oluna bilər.
Tətbiqimizi yükləyə bilərsiniz
