Qar Şamaxı və Ağsuda qəzalara səbəb oldu - Xəsarət alanlar var

Ağsu və Şamaxı rayonları ərazisində yol-nəqliyyat hadisələri baş verib. 
Yeniavaz.com oxu.az-a istinadla xəbər verir ki, yağan güclü qar, duman və buz səbəbindən bir neçə avtomobil sürüşərək bir-biri ilə toqquşub və aşıb. Ağsuda “Mercedes” və “Hyundai” markalı avtomobillə toquşub. Eyni zamanda, ərazidə “Mercedes” markalı avtomobil sürüşərək yolun kənarına düşüb. Xəsarət alan yoxdur. 
Şamaxı şəhəri ərazisində isə iki avtomobil toqquşub. Nəticədə iki nəfər xəsarət alıb və Şamaxı Rayon Mərkəzi Xəstəxanasına yerləşdirilib.