Rusiya-Ukrayna məsələsi ilə bağlı Türkiyədən daha bir açıqlama

Türkiyə prezidentinin sözçüsü İbrahim Kalın və ABŞ-ın milli təhlükəsizlik üzrə köməkçisi Ceyk Sullivan arasında telefon danışığı olub.
Yeniavaz.com xəbər verir ki, danışıqlar zamanı regionda sülhün və sabitliyin təmin edilməsi üçün Qazaxıstanda vəziyyətin tez bir zamanda normallaşdırılması səylərinin vacibliyi vurğulanıb. Türk Dövlətləri Təşkilatının bu istiqamətdə səyləri qeyd olunub. Türkiyənin buna hər cür köməklik göstərməyə hazır olduğu bildirilib.
Xatırladaq ki, ötən ilin noyabr və dekabr aylarında Rəcəb Tayyib Ərdoğan bir neçə dəfə Rusiya və Ukraynaya gərginliyin azaldılması üçün vasitəçilik təklifi ilə çıxış edib.