Rusiya Xarici İşlər Nazirliyi ABŞ dövlət katibi Entoni Blinkenin KTMT sülhməramlılarının Qazaxıstana yeridilməsi ilə bağlı şərhinə cavab verib və onun sözlərini iyrənc adlandırıb.
Yeniavaz.com xəbər verir ki, XİN Blinkenin sözlərini iyrənc adlandırıb.
“Entoni Blinken özünün tipik qəzəbli üslubunda Qazaxıstanda baş verən faciəli hadisələrlə bağlı zarafat etdi. KTMT-nin Qazaxıstan rəhbərliyinin təhlükəsizliyin təmin edilməsində yardım göstərmək çağırışına tamamilə qanuni cavabı (yeri gəlmişkən, bu barədə artıq BMT Təhlükəsizlik Şurasına məlumat verilib) Amerika xarici işlər şöbəsinin rəhbəri tərəfindən istehza ilə müşayiət olunub. Əgər Entoni Blinken tarix dərslərini bu qədər sevirsə, qoy o, aşağıdakıları yadda saxlasın: Amerikalılar sizin evinizdə olanda soyulmaq və ya zorlanmamaq deyil, sağ qalmaq çətin ola bilər. Yalnız bu, bizə yaxın keçmişin deyil, bütün 300 illik Amerika dövlətçiliyinini xatırladır. Şimali Amerikada hindular, koreyalılar, vyetnamlılar, iraqlılar, panamalılar, yuqoslavlar, liviyalılar, suriyalılar və bu çağırılmamış qonaqları öz “evlərində” görmək qismət olmayan bir çox bədbəxt insanlar bu haqda çox şey danışacaqlar.” -, deyə XİN-in cavabında deyilir.
Xatırladaq ki, ABŞ-ın dövlət katibi Entoni Blinkin KTMT sülhməramlılarının Qazaxıstana yeridilməsi ilə bağlı şərhində bildirib ki, ruslar evinizə girdisə, onları evinizdən qovub çıxarmaq çox çətin olur.
Tətbiqimizi yükləyə bilərsiniz
