“Moskva Qazaxıstandakı vəziyyəti diqqətlə izləyir. Xəsarət alan Rusiya vətəndaşları barədə isə məlumat yoxdur".
Yeniavaz.com “Ria Novosti”yə istinadla xəbər verir ki, bu barədə məlumatı Rusiyanın Xarici İşlər Nazirliyi yayıb.
Qeyd edək ki, Qazaxıstanda yanvarın 2-dən Janaozen, Mangistau vilayətləri başda olmaqla bir sıra yaşayış məntəqələrində etirazlar başlayıb. Əhali maye qazın dəyərinin kəskin artmasına etiraz edir. Belə ki, ölkədə maye qazın dəyəri 60 təngədən 120 təngəyə qaldırılıb.
Etirazlardan sonra Qazaxıstan hökuməti istefa verib. Prezident Qasım-Comərd Tokayev ölkənin Mangistau və Almatı vilayətlərində fövqəladə vəziyyət elan edib.
Ölkənin müxtəlif şəhərlərində etiraz aksiyaları hələ də davam edir. Etirazçılar Aktobe şəhərində hökumət binasına basqın ediblər.
Tətbiqimizi yükləyə bilərsiniz
