Fransa polisi yeni il gecəsi maska rejimini pozduqları üçün 800-ə yaxın adamı cərimələyib.
Yeniavaz.com xəbər verir ki, bu barədə BFM telekanalı paytaxt polisindəki mənbəyə istinadən məlumat yayıb.
Qeyd edək ki, Paris hakimiyyəti dekabrın 31-də COVID-19-a yoluxma hallarının artması ilə əlaqədar şəhərin küçələrində maska rejimi tətbiq edib. Hazırda 11 yaşdan yuxarı bütün əhali üçün maskaların taxılması məcburidir. Velosipedçilər, motoristlər və açıq havada idmanla məşğul olan insanlar istisnadır.