Yanvarın 1-dən minimum əmək pensiyaları artırılır

Gələn il Azərbaycanda əmək pensiyasının minimum məbləği 240 manat olacaq.
Yeniavaz.com "report"a istinadla xəbər verir ki, bu, Milli Məclisin bu gün keçirilən iclasında müzakirəyə çıxarılan “Əmək pensiyaları haqqında” qanuna dəyişiklik layihəsində əksini tapıb.
Dəyişikliklə əmək pensiyasının minimum məbləği 2022-ci ilin yanvarın 1-dən 20 faiz artırılaraq 240 manat olacaq.
Qeyd edək ki, 2021-ci il üçün əmək pensiyasının minimum məbləği 200 manatdır.
Dəyişiklik layihəsi səsverməyə çıxarılaraq bir oxunuşda qəbul edilib.