Qırğızıstan Prezidenti Azərbaycandakı səfirinə şiddətli töhmət verib

Qırğızıstanın prezidenti Sadır Japarov ölkəsinin Azərbaycandakı səfiri Kayrat Osmonaliyevə şiddətli töhmət elan edib.
Yeniavaz.com xəbər verir ki, bu barədə Qırğız Respublikası Prezident Administrasiyasının İnformasiya siyasəti xidməti məlumat yayıb.
Bildirilib ki, K.Osmonaliyev keçirdiyi mətbuat konfransında “Qırğızıstan Mərkəzi Asiya və Cənubi Qafqaz ölkələri ilə Rusiyadan ayrıca görüşməyi təklif edir” kimi bəyanat verməsi həqiqətə uyğun deyil və təxribat xarakteri daşıyır.
Məlumata görə, bəhs edilən müsahibədə belə bir açıqlama və çıxış olmayıb.
Mətbuatda mərkəzlə razılaşdırılmayan bu cür təhrif olunmuş şərhlərə və şişirtmələrə səbəb olan bəyanata görə Prezident Sadır Japarov Qırğızıstanın Azərbaycandakı səfiri Kayrat Osmonəliyevə şiddətli töhmət elan edib.