Xaricdə dünyasını dəyişən vətəndaşlarla bağlı yeni qaydalar müəyyənləşir

Xaricdə ölmüş Azərbaycan Respublikası vətəndaşının ölümünün qeydə alınmasına dair prosedur müəyyənləşir.
Yeniavaz.com APA-ya istinadla xəbər verir ki, bununla bağlı Ailə Məcəlləsinə yeni - 195.2-ci maddə əlavə olunur.
Beləliklə, Azərbaycan Respublikası vətəndaşının, Azərbaycan Respublikasında daimi yaşayan vətəndaşlığı olmayan şəxsin və ya əcnəbinin xarici ölkədə öldüyü və ölüm həmin ölkənin səlahiyyətli orqanlarında və ya müvafiq icra hakimiyyəti orqanının (qurumun) müəyyən etdiyi orqanda (qurumda) qeydə alınmadığı hallarda ölümün qeydiyyatı bu ölkədə verilmiş ölüm faktını təsdiq edən tibbi sənəd əsasında müvafiq icra hakimiyyəti orqanının (qurumun) müəyyən etdiyi orqan (qurum) tərəfindən aparılacaq.