Bu gün Xırdalanda dəhşəti qətl hadisəsi baş verib.
Yeniavaz.com xəbər verir ki, bu barədə Abşeron Rayon Prokurorluğu məlumat yayıb.
Belə ki, dekabrın 18-də, saat 15 radələrində Xırdalan şəhəri ərazisində, Quşçuluq yaşayış massivində 1959-cu il təvəllüdlü Ağaməhəmməd Əhmədovun yaşadığı evdə aralarında yaranmış mübahisə zamanı arvadı 1963-cü il təvəllüdlü Bəsti Əhmədovanı öldürməsi, oğlu 1985-ci il təvəllüdlü Taleh Əhmədova isə müxtəlif dərəcəli bədən xəsarətləri yetirməsi faktı ilə bağlı Abşeron rayon prokurorluğunda Cinayət Məcəlləsinin 120.1, 29, 120.2.7-ci maddələri ilə cinayət işi başlanıb.
A.Əhmədov şübhəli şəxs qismində saxlanılıb.
Hazırda prokurorluq əməkdaşları tərəfindən hadisə yerinin müayinəsi həyata keçirilir.
Oxu.az-ın əldə etdiyi məlumata görə, A.Əhmədov hadisəni balta ilə törədib.
Tətbiqimizi yükləyə bilərsiniz
