Rusiya prezidentinin mətbuat katibi Dmitri Peskov Türkiyənin yeni Osmanlı İmperiyası qurmağa çalışdığına inanmadığını bildirib.
Yeniavaz.com xəbər verir ki, Peskov bu barədə RTVI -ya müsahibəsində deyib .
Kreml sözçüsü əlavə edib ki, Türk dünyasının mənəvi birliyi ideyası Türkiyədə çox populyardır:
"Həqiqətən də türk dünyasının mədəni, tarixi ortaqlığı var. Orta Asiya dövlətlərinin, hətta bizim Rusiya Federasiyasına daxil olan respublikaların - tatarların, başqırdların - da türklərlə ortaq tarixi var. Bu dil, mədəni və ümumi adət-ənənələrdir. Ona görə də bu heç də qorxulu bir şey deyil”.
Peskov son olaraq bildirib ki, Türkiyədə mədəni yaxınlığı və birliyi daha çox şeyə çevirmək istəyən millətçi təfəkkürlü qüvvələr də var.