Azərbaycanda ilin futbolçusu bəlli olub


Azərbaycanda ilin ən yaxşı futbolçusu bəlli olub.
Yeniavaz.com
"report"a istinadla xəbər verir ki, bu, İdman Araşdırmalar Mərkəzinin "İlin Qalibləri-2021" layihəsində jurnalistlər arasında keçirdiyi sorğuya əsasən bəlli olub.
Azərbaycan millisinin və "Neftçi" klubunun futbolçusu Emin Mahmudov 36 səslə bütün rəqiblərini qabaqlayıb. Polşa "Legiya"sında çıxış edən yığmanın digər üzvü Mahir Emreli 16 səslə ikinci olub. "Qarabağ"dan Filip Ozobiç, Qara Qarayev və Şahruddin Məhəmmədiyev hərəyə 1 səs toplayıblar.
Emin Mahmudov İAM-ın sorğusuna əsasən, Azərbaycan Premyer Liqasında 2018/2019 mövsümünün futbolçusu seçilmişdi.

DİGƏR XƏBƏRLƏR

Top