Bu dəfə Prezidentin “Qarabağ”la görüşünə AFFA rəhbərliyi dəvət olunmadı - FOTOLAR

Xəbər verdiyimiz kimi, bu gün Prezident İlham Əliyev UEFA Konfrans Liqasının pley-off mərhələsinə vəsiqə əldə edən “Qarabağ” klubunu qəbul edib.
Yeniavaz.com xəbər verir ki, görüşə AFFA rəhbərliyinin dəvət olunmaması idman həvəskarları tərəfindən sosial şəbəkələrdə müzakirə olunub. Belə ki, nə AFFA prezidenti Rövnəq Abdullayev, nə də icraçı vitse-prezident Elxan Məmmədov qəbulda olub.
Qeyd edək ki, ndiyə qədər ölkə başçısı “Qarabağ” klubunu iki dəfə qəbul edib. Həmin görüşlərin hər ikisində AFFA rəhbərliyi də yer alıb.  
İlk dəfə 2014-cü ildə Avropa Liqasının qrup mərhələsinə vəsiqə qazanan “Qarabağ” dövlət başçısı tərəfindən qəbul edilmişdi. Həmin görüşdə həm AFFA prezidenti Rövnəq Abdullayev, həm baş katib Elxan Məmmədov, həm də PFL prezidenti Ramin Musayev iştirak etmişdi.

Prezident “Qarabağ”la ikinci dəfə 2017-ci ildə Çempionlar Liqasının qrup mərhələsinə vəsiqə qazandıqdan sonra görüş keçirmişdi. Həmin vaxt da AFFA prezidenti Rövnəq Abullayev Ağdam klubu ilə birlikdə qəbulda yer almışdı.

Bugünkü qəbulda “Qarabağ”la birlikdə gənclər və idman naziri Fərid Qayıbov iştirak edib.